“ИРЭЭДҮЙГЭЭ ТӨСӨВЛӨ” АЯНЫГ ЭХЛҮҮЛЭН, ИРГЭДЭД ТӨСВИЙН ТАЛААРХ ОЙЛГОЛТЫГ ХҮРГЭХЭЭР АЖИЛЛАЖ БАЙНА

2022.03.09

Европын Холбоо, Дэлхийн Банкны дэмжлэгтэйгээр Монгол Улсын Сангийн Яам Unread Media компанитай хамтран “Ирээдүйгээ төсөвлө” аяныг эхлүүлэн ажиллаж байна. Монгол Улсад төсвийн ил тод, хариуцлагатай байдлыг бэхжүүлэхийн тулд Засгийн Газрын авч хэрэгжүүлж буй арга хэмжээг дэмжих нь энэхүү аяны нэн тэргүүний зорилго билээ. Уг аянаар дамжуулж олон нийтэд төсвийн тухай энгийн ойлголтоос эхлээд Монгол Улсын төсвийн бүрдүүлэлт, зарцуулалтын үйл явцад хэрхэн оролцож болох тухай чухал мэдээллүүдийг төрөл бүрийн контент, эвент арга хэмжээгээр дамжуулан хүргэх юм.

АЯНЫ ХҮРЭЭНД

Энэ аяны хүрээнд төсвийн талаарх ойлголт, мэдлэгийг түгээх дараах контентыг бэлтгэн хүргэж байна. Үүнд:

  • Төсөв, түүний ил тод байдлын талаарх "Zoom" онлайн хэлэлцүүлэг
  • Цуврал видео контент / https://www.facebook.com/UnreadToday/videos/628315348500463/
  • Шилэн дансны тухай хууль, худалдан авах ажиллагааны тухай хуулийн шинэчлэлүүдийн талаарх Подкаст – богино цуврал
  • Иргэний нийгмийн байгууллагууд, эдийн засагч, төрийн албан хаагчдын төлөөллөөс оруулсан зочин экспертийн нийтлэлүүдийг бэлтгэн хүргэж байна.

Мөн түүнчлэн Иргэдийн төсвийн цахим хуудас, товхимлын хэрэглээг нэмэгдүүлэх, төсвийн тоон мэдээлэлд дүн шинжилгээ хийх, иргэдийн оролцоог нэмэгдүүлэх чиглэлээр дараах арга хэмжээг зохион байгуулаад байна.

  • ЕБС-ийн сурагчдын дунд “Хэрвээ би Сангийн сайд байсан бол...” сэдэвт эсээ бичлэгийн уралдааныг зохион байгуулж, шилдгүүдийг тодруулсан. Уг уралдаанд нийт 700 гаруй оролцогч бүртгүүлж, 200 орчим эсээ ирсэн ба сурагчдын ерөнхий боловсролын сургуулийн сурагчдын дунд төсвийн тухай ойлголтыг нэмэгдүүлэхэд чиглэсэн бөгөөд түүндээ ч хүрч чадсан гэдэгт бид огтхон ч эргэлзсэнгүй. Учир нь тус уралдаанд эсээгээ ирүүлсэн ихэнх сурагчид эх оронд маань яг одоо хамгийн хэрэгтэй байгаа зүйл юу болохыг оршин суугаа газраараа бодит жишээ татан, үндэслэл судалгаатай бичсэн байсан бөгөөд зөвхөн өөрийн туршлагад түшиглэн бичсэн эсээ тун бага байсан юм. Эх орны ирээдүй болсон хүүхэд багачуудынхаа улсын төсөв, төсвийн төлөвлөгөө, зардлын тухай ойлголтыг нэмэгдүүлж, мэдлэг мэдээллийн цар хүрээг дээшлүүлэхийг зорьсон уг тэмцээний гол үнэ цэн шагналт байрын урамшуулал төдий бус оролцогч бүрийн эсээгээ бичихэд зарцуулсан хөдөлмөр, хичээл зүтгэлийнх нь хойшдын үр шим байх билээ.

Дараагийн удаад бид дараах арга хэмжээг зохион байгуулахаар төлөвлөн ажиллаж байна.

  • Залуу мэргэжилтнүүд, их, дээд сургуулийн багш оюутнуудын дунд эрдэм шинжилгээний хурал
  • Залуу мэргэжилтнүүд, их, дээд сургуулийн багш, оюутнууд, ЕБС-ийн сурагчдын дунд Хакатон тэмцээн
  • Санхүү, эдийн засгийн салбарын 15 оролцогчдод зориулсан дөрвөн долоо хоногийн менторшип хөтөлбөр

АЯНЫ ТУХАЙ МЭДЭЭЛЛИЙГ ХААНААС АВАХ ВЭ?

Posted.mn /http://posted.mn/category/sgm-budget/ цахим хуудасны “Ирээдүйгээ төсөвлө” булангаас энэхүү аянтай холбогдох бүх мэдээллийг хүлээн авах боломжтой. Мөн Монгол Улсын Сангийн Яамны цахим хуудас, Unread media болон Posted.mn-ний нүүр хуудаснаас цаг үеийн мэдээллийг хүлээн авч оролцоорой.

МЭДЭЭ, МЭДЭЭЛЭЛ
МОНГОЛ УЛСАД ЗАСАГЛАЛЫГ БЭХЖҮҮЛЭХ ТӨСЛИЙН ХААЛТЫН ТАЙЛАНТАЙ ХОЛБООТОЙГООР ДЭЛХИЙН БАНКНЫ АЖЛЫН ХЭСЭГ ТХН БОЛОН ХЭРЭГЖҮҮЛЭГЧ БАЙГУУЛЛАГУУДТАЙ УУЛЗАВ

2023.04.03

Монгол Улсад Засаглалыг бэхжүүлэх төсөл 2023 оны 2 дугаар сарын 28-ны өдөр хэрэгжиж дууссантай холбоотойгоор төслийн хаалтын тайланг боловсруулах Дэлхийн банкны ажлын хэсэг 2023 оны 03 дугаар сарын 30-ны өдөр Төсөл хэрэгжүүлэх нэгж (ТХН) болон хэрэгжүүлэгч байгууллагуудын төлөөллүүдтэй уулзлаа. Ажлын хэсгийн зорилго нь төслийн хэрэгжилт, бий болсон үр дүнгүүд, төслийн шалгуур үзүүлэлтийн биелэлттэй танилцах юм. 

ГҮЙЦЭТГЭЛД СУУРИЛСАН САНХҮҮЖИЛТ: ЭРҮҮЛ МЭНД, БОЛОВСРОЛЫН САЛБАРТ НЭВТЭРЧ БУЙ ТӨСӨВ, САНХҮҮГИЙН УДИРДЛАГЫН ШИНЭ ХАНДЛАГЫГ ДЭМЖИХ НЬ

2023.03.23

Гүйцэтгэлд Суурилсан Санхүүжилтийн (ГСС) тогтолцоо нь үйлчилгээний байгууллагуудын санхүүжилт, төлбөрийг хүрсэн үр дүнтэй холбож, тэдгээр хөрөнгийг ашиглахад тухайн байгууллагуудын бие даасан байдлыг бүрдүүлдэг. Энэхүү стратеги нь олон хувь хүн, байгууллагын гүйцэтгэлийг сайжруулахад түлхэц болж, нөөцийг үйлчилгээний тэргүүн фронтод шууд чиглүүлдэг учраас тэдний таашаалд ихээхэн нийцэх болжээ.  Энэ нь эргээд хариуцлагын тогтолцоог бэхжүүлэх төдийгүй ГСС-ийн хандлагыг олон төрлийн салбарт түгээмэл ашигладаг болсноор зарим ирээдүйтэй үр дүн гарч эхлэв. 

ҮР ДҮНД СУУРИЛСАН ДУНД ХУГАЦААНЫ ТӨСВИЙН ТӨЛӨВЛӨЛТИЙН НЭГДСЭН СИСТЕМ: ТӨСВИЙН ТӨЛӨВЛӨЛТ, ХУВААРИЛАЛТЫН ҮР АШИГ, ҮР ДҮНГ САЙЖРУУЛАХ ЗОРИЛТЫГ ХАНГАХАД ЧУХАЛ ДЭМЖЛЭГ БОЛНО.

2023.03.07

    Монгол улс төрийн санхүүгийн удирдлагыг сайжруулах зорилтын хүрээнд орцод суурилсан уламжлалт төсөвлөлтөөс гарц буюу үр дүнд чиглэсэн дунд хугацааны төсөвлөлтийг нэвтрүүлэхийг зорьж байна. Энэхүү зорилт нь Монгол улс цаашид дунд хугацааны санхүүгийн хүрээ (MTFF)-нээс дунд хугацааны зарлагын хүрээ (MTEF)-д шилжих бодлоготой нийцэж байгаа юм.

Сангийн яам ТСУ-ын шинэчлэлийн стратеги, төлөвлөгөөг үе шаттай боловсруулан хэрэгжүүлж байна

2023.02.28

Монгол Улсын Сангийн яам, Европын Холбооны санхүүжилттэй “Монгол улсад засаглалыг бэхжүүлэх төсөл”-ийн хүрээнд нийгэм, эдийн засгийн хөгжлийн тэргүүлэх чиглэлд нийцүүлэн, төрийн нөөцийг үр ашигтай, үр дүнтэй, тогтвортой, ёс зүйтэйгээр удирдаж, төрийн үйлчилгээг хүргэх төрийн санхүүгийн орчин үеийн болон ирээдүйн хэрэгцээг хангахад чиглэсэн төсөв, санхүүгийн тогтолцоог бий болгох зорилгоор “Тогтвортой хөгжлийн зорилт 2030” болон “Засгийн газрын 2016-2020 оны үйл ажиллагааны мөрийн хөтөлбөр”-тэй уялдсан Төсөв, санхүүгийн удирдлага (ТСУ)-ын шинэчлэлийн стратеги, дунд хугацааны төлөвлөгөөг батлуулан хэрэгжүүлсэн билээ. ТСУ-ын шинэчлэл хийх төлөвлөгөөнд төрийн санхүүгийн удирдлагыг бэхжүүлэхэд чухал ач холбогдолтой олон зорилт, арга хэмжээ тусгагдсан бөгөөд төлөвлөгөөний хэрэгжилт 85 хувьтай байна.

ШИЛЭН ДАНСНЫ НЭГДСЭН ЦАХИМ ХУУДАС ШИНЭЧЛЭГДЛЭЭ

2023.01.20

Монгол Улсын Сангийн яам, Дэлхийн банкны “Төсөв, санхүүгийн тогтвортой байдлыг бэхжүүлэх төсөл”, Европын холбоо болон Дэлхийн банкны “Монгол Улсад Засаглалыг бэхжүүлэх төсөл”-ийн хүрээнд ТӨСВИЙН ИЛ ТОД БАЙДЛЫГ БЭХЖҮҮЛЭХ зорилгоор Шилэн дансны нэгдсэн цахим хуудсыг шинээр хөгжүүлж, 2023 оны 1 дүгээр сарын 1-ний өдрөөс нэвтрүүллээ. 

Төсөв, санхүүгийн системүүдийн Дундын сервис платформд шинэ систем, мэдээллүүд нэмэгдэж байна

2023.01.11

Монгол улсын Сангийн яам нь Монгол Улсад Засаглалыг Бэхжүүлэх төслийн хүрээнд 2022 онд Төсөв, санхүүгийн Дундын сервис платформыг (ДСП) хөгжүүлэн амжилттай нэвтрүүлсэн билээ. Уг платформ нь Сангийн яамны болон бусад байгууллагуудын бие даасан мэдээллийн системүүдийн уялдаа холбоог сайжруулах, тэдгээрийн хооронд хялбар, уян хатан шийдлээр, мэдээлэл солилцох боломжийг бүрдүүлэх үндсэн зорилготой. Мөн олон мэдээллийн систем, байгууллага хооронд давхардсан олон холболт, хөгжүүлэлт хийдэг асуудыг шийдвэрлэж нэгдсэн стандартад шилжүүлж хялбар, цэгцтэй, аюулгүй байдлыг бүрдүүлж байна.

Бусад мэдээ »