ҮЛ ХӨДЛӨХ ЭД ХӨРӨНГӨ ЗУУЧЛАЛЫН ҮЙЛ АЖИЛЛАГААНЫ ТУХАЙ ХУУЛИЙН ТӨСЛИЙГ БОЛОВСРУУЛЖ БАЙНА.

8/18/2022

Санхүүгийн хориг арга хэмжээг хэрэгжүүлэх олон улсын байгууллага /ФАТФ/-аас гаргасан олон улсын стандарт буюу 40 зөвлөмжид заасны дагуу Монгол Улсыг үл хөдлөх эд хөрөнгө зуучлалын үйл ажиллагааг хянаж зохицуулах, мөнгө угаах, терроризмыг санхүүжүүлэх, үй олноор хөнөөх зэвсэг дэлгэрүүлэх эрсдэлийг үнэлж, зохицуулалтын тогтолцоог бий болгохыг үүрэг болгосон. 

Энэ хүрээнд Монгол Улсын Санхүүгийн Зохицуулах Хороо (СЗХ) Дэлхийн Банкны "Төсөв, санхүүгийн тогтвортой байдлыг бэхжүүлэх" төслийн хүрээнд СЗХ-ны зохицуулалтад шинээр нэмэгдсэн салбар болох үл хөдлөх эд хөрөнгө зуучлалын салбарын хууль, эрх зүйн орчинг бүрдүүлэх хэрэгцээ шаардлага үүссэн. 

ФАТФ-ын зөвлөмж нь аливаа улс орны мөнгө угаах болон терроризмыг санхүүжүүлэхтэй тэмцэх ажиллагааг зохицуулах эрх зүйн баримт бичгийн суурь болж буй олон улсын стандарт төдийгүй уг стандарт зөвлөмжийг хэрэгжүүлдэг улс орны хувьд санхүүгийн салбарт бусад улс оронтой хамтран ажиллах таатай орчин бүрдэх үндэс болж байгаа нь Монгол Улс энэ төрлийн гэмт хэрэгтэй тэмцэх тогтолцоог сайжруулах ажлын хүрээнд санхүүгийн салбарын зохицуулалтын орчныг олон улсын стандарт, хөгжлийн чиг хандлагад нийцүүлэн сайжруулах зорилгоор үл хөдлөх эд хөрөнгө зуучлалын тухай хуулийн төслийг боловсруулсан бөгөөд уг хуулийн төсөлд дараах зохицуулалтуудыг тусгаад байна. Үүнд:

  • Үл хөдлөх хөрөнгө зуучлалын үйл ажиллагаанд оролцогчдын эрх, үүргийг тодорхойлох, тэдгээрт тусгай зөвшөөрөл олгохтой холбоотой харилцааг зохицуулах, хяналт тавих;
  • Үл хөдлөх хөрөнгийн зуучлалын үйл ажиллагааны хүрээнд эрхлэх үйл ажиллагааны төрлийг нарийвчлан зохицуулах;
  • Төрийн зарим чиг үүргийг гэрээний үндсэн дээр төрийн бус байгууллагаар гүйцэтгүүлэх;
  • Үл хөдлөх хөрөнгө зуучлалын франчайз эрхтэй холбоотой харилцааг зохицуулах, хяналт тавих; 
  • Үл хөдлөх хөрөнгийн харилцаанд оролцогч талуудын хоорондын уялдааг ханган, үл хөдлөх хөрөнгийн судалгаа, мэдээллийн нэгдсэн сан бүхий тогтолцоотой болгох;
  • Хууль зөрчигчдөд хүлээлгэх хариуцлагын талаар тусгасан.

Түүнчлэн үл хөдлөх хөрөнгийн зах зээл нь технологийн хөгжил дэвшил, нэвтрүүлэлт зэрэгт харьцангуй удаан дасан зохицдог салбар хэмээн яригдсаар ирсэн билээ. Гэтэл цар тахлын үеийн эдийн засагт үзүүлэх нөлөөлөл, шинэ сорилтуудтай тулгарсан нь нэгэнт эхэлсэн байсан чиг хандлагыг түргэсгэхэд тодорхой хэмжээгээр нөлөөлөөд байна. Тиймээс зах зээлийн гол оролцогчдын ажлын уялдаа холбоо, харилцан мэдээлэл солилцох, улмаар цаг хэмнэх ач холбогдол бүхий үл хөдлөх хөрөнгийн мэдээллийн нэгдсэн цахим санг шинээр үүсгэхээр хуулийн зохицуулалтад тусгасан болно. 

Хуулийн төсөл батлагдсанаар үл хөдлөх хөрөнгийн зуучлалын үйл ажиллагаанд оролцогчдын эрх ашгийг хамгаалах тогтолцоог боловсронгуй болгох, эрх зүйн орчныг тодорхой болгох, зуучлагч байгууллагуудын чадавхыг бэхжүүлэх, хамтын ажиллагаа сайжирч үл хөдлөх хөрөнгийг салбарын үйл ажиллагаа олон улсын жишигтэй нийцэн хөгжих мөнгө угаах болон терроризмыг санхүүжүүлэх эрсдэл буурах эерэг үр нөлөө гарах юм.








NEWS
МОНГОЛ УЛСАД ЗАСАГЛАЛЫГ БЭХЖҮҮЛЭХ ТӨСЛИЙН ХААЛТЫН ТАЙЛАНТАЙ ХОЛБООТОЙГООР ДЭЛХИЙН БАНКНЫ АЖЛЫН ХЭСЭГ ТХН БОЛОН ХЭРЭГЖҮҮЛЭГЧ БАЙГУУЛЛАГУУДТАЙ УУЛЗАВ

4/3/2023

Монгол Улсад Засаглалыг бэхжүүлэх төсөл 2023 оны 2 дугаар сарын 28-ны өдөр хэрэгжиж дууссантай холбоотойгоор төслийн хаалтын тайланг боловсруулах Дэлхийн банкны ажлын хэсэг 2023 оны 03 дугаар сарын 30-ны өдөр Төсөл хэрэгжүүлэх нэгж (ТХН) болон хэрэгжүүлэгч байгууллагуудын төлөөллүүдтэй уулзлаа. Ажлын хэсгийн зорилго нь төслийн хэрэгжилт, бий болсон үр дүнгүүд, төслийн шалгуур үзүүлэлтийн биелэлттэй танилцах юм. 

ГҮЙЦЭТГЭЛД СУУРИЛСАН САНХҮҮЖИЛТ: ЭРҮҮЛ МЭНД, БОЛОВСРОЛЫН САЛБАРТ НЭВТЭРЧ БУЙ ТӨСӨВ, САНХҮҮГИЙН УДИРДЛАГЫН ШИНЭ ХАНДЛАГЫГ ДЭМЖИХ НЬ

3/23/2023

Гүйцэтгэлд Суурилсан Санхүүжилтийн (ГСС) тогтолцоо нь үйлчилгээний байгууллагуудын санхүүжилт, төлбөрийг хүрсэн үр дүнтэй холбож, тэдгээр хөрөнгийг ашиглахад тухайн байгууллагуудын бие даасан байдлыг бүрдүүлдэг. Энэхүү стратеги нь олон хувь хүн, байгууллагын гүйцэтгэлийг сайжруулахад түлхэц болж, нөөцийг үйлчилгээний тэргүүн фронтод шууд чиглүүлдэг учраас тэдний таашаалд ихээхэн нийцэх болжээ.  Энэ нь эргээд хариуцлагын тогтолцоог бэхжүүлэх төдийгүй ГСС-ийн хандлагыг олон төрлийн салбарт түгээмэл ашигладаг болсноор зарим ирээдүйтэй үр дүн гарч эхлэв. 

ҮР ДҮНД СУУРИЛСАН ДУНД ХУГАЦААНЫ ТӨСВИЙН ТӨЛӨВЛӨЛТИЙН НЭГДСЭН СИСТЕМ: ТӨСВИЙН ТӨЛӨВЛӨЛТ, ХУВААРИЛАЛТЫН ҮР АШИГ, ҮР ДҮНГ САЙЖРУУЛАХ ЗОРИЛТЫГ ХАНГАХАД ЧУХАЛ ДЭМЖЛЭГ БОЛНО.

3/7/2023

    Монгол улс төрийн санхүүгийн удирдлагыг сайжруулах зорилтын хүрээнд орцод суурилсан уламжлалт төсөвлөлтөөс гарц буюу үр дүнд чиглэсэн дунд хугацааны төсөвлөлтийг нэвтрүүлэхийг зорьж байна. Энэхүү зорилт нь Монгол улс цаашид дунд хугацааны санхүүгийн хүрээ (MTFF)-нээс дунд хугацааны зарлагын хүрээ (MTEF)-д шилжих бодлоготой нийцэж байгаа юм.

Сангийн яам ТСУ-ын шинэчлэлийн стратеги, төлөвлөгөөг үе шаттай боловсруулан хэрэгжүүлж байна

2/28/2023

Монгол Улсын Сангийн яам, Европын Холбооны санхүүжилттэй “Монгол улсад засаглалыг бэхжүүлэх төсөл”-ийн хүрээнд нийгэм, эдийн засгийн хөгжлийн тэргүүлэх чиглэлд нийцүүлэн, төрийн нөөцийг үр ашигтай, үр дүнтэй, тогтвортой, ёс зүйтэйгээр удирдаж, төрийн үйлчилгээг хүргэх төрийн санхүүгийн орчин үеийн болон ирээдүйн хэрэгцээг хангахад чиглэсэн төсөв, санхүүгийн тогтолцоог бий болгох зорилгоор “Тогтвортой хөгжлийн зорилт 2030” болон “Засгийн газрын 2016-2020 оны үйл ажиллагааны мөрийн хөтөлбөр”-тэй уялдсан Төсөв, санхүүгийн удирдлага (ТСУ)-ын шинэчлэлийн стратеги, дунд хугацааны төлөвлөгөөг батлуулан хэрэгжүүлсэн билээ. ТСУ-ын шинэчлэл хийх төлөвлөгөөнд төрийн санхүүгийн удирдлагыг бэхжүүлэхэд чухал ач холбогдолтой олон зорилт, арга хэмжээ тусгагдсан бөгөөд төлөвлөгөөний хэрэгжилт 85 хувьтай байна.

ШИЛЭН ДАНСНЫ НЭГДСЭН ЦАХИМ ХУУДАС ШИНЭЧЛЭГДЛЭЭ

1/20/2023

Монгол Улсын Сангийн яам, Дэлхийн банкны “Төсөв, санхүүгийн тогтвортой байдлыг бэхжүүлэх төсөл”, Европын холбоо болон Дэлхийн банкны “Монгол Улсад Засаглалыг бэхжүүлэх төсөл”-ийн хүрээнд ТӨСВИЙН ИЛ ТОД БАЙДЛЫГ БЭХЖҮҮЛЭХ зорилгоор Шилэн дансны нэгдсэн цахим хуудсыг шинээр хөгжүүлж, 2023 оны 1 дүгээр сарын 1-ний өдрөөс нэвтрүүллээ. 

Төсөв, санхүүгийн системүүдийн Дундын сервис платформд шинэ систем, мэдээллүүд нэмэгдэж байна

1/11/2023

Монгол улсын Сангийн яам нь Монгол Улсад Засаглалыг Бэхжүүлэх төслийн хүрээнд 2022 онд Төсөв, санхүүгийн Дундын сервис платформыг (ДСП) хөгжүүлэн амжилттай нэвтрүүлсэн билээ. Уг платформ нь Сангийн яамны болон бусад байгууллагуудын бие даасан мэдээллийн системүүдийн уялдаа холбоог сайжруулах, тэдгээрийн хооронд хялбар, уян хатан шийдлээр, мэдээлэл солилцох боломжийг бүрдүүлэх үндсэн зорилготой. Мөн олон мэдээллийн систем, байгууллага хооронд давхардсан олон холболт, хөгжүүлэлт хийдэг асуудыг шийдвэрлэж нэгдсэн стандартад шилжүүлж хялбар, цэгцтэй, аюулгүй байдлыг бүрдүүлж байна.

Other news »